Соопштенија и вести

Главниот државен ревизор м-р Максим Ацевски одржа работен состанок со претседателот на Центарот за граѓански комуникации, Герман Филков и Програмската директорка, Сабина Факиќ.

Главниот државен ревизор м-р Максим Ацевски одржа работен состанок со претседателот на Здружението на новинари на Македонија (ЗНМ), Младен Чадиковски и Извршниот директор на здружението, Драган Секуловски. Состанокот се реализираше по иницијатива на Главниот државен ревизор и Државниот завод за ревизија (ДЗР) во насока на зајакнување и продлабочување на соработката помеѓу ДЗР И ЗНМ, со цел поголема транспарентност и отвореност на Државниот завод за ревизија како институција којашто е од особена важност за граѓаните на Република Северна Македонија.

Традиционалното предновогодишно дружење на децата на вработените во Државниот завод за ревизија годинава беше збогатено со садење на дрвца од нивна страна, акција која се изведе во координација со Јавното претпријатие паркови и зеленило, при што годинава беа засадени и дрвца од самите деца.

Главниот државен ревизор м-р Максим Ацевски им ги врачи новите решенија на четири вработени во Државниот завод за ревизија кои од 01.01.2020 година се стекнаа со статусот помлад ревизор. Во новата година Албана Алију, Исмаил Металари, Метин Буши и Самире Бислими ќе го засилат актуелниот ревизорски кадар на Државниот завод за ревизија и ќе почнат со ревизорска работа на терен.

Постапувајќи во согласност со Одлуката донесена од Владата на Република Северна Македонија за престанок и давање на трајно користење на движни ствари на општина Македонски Брод донесена на 8.10.2019 година, под број 45-3508/1, Главниот државен ревизор м-р Максим Ацевски, застапувајќи го Државниот завод за ревизија и градоначалникот г. Живко Силјаноски, на општина Македонски Брод, на ден 25.12.2019 година, потпишаа Договор за давање на трајно користење на движни ствари

Првиот колегиум на новиот ГДР, м-р Максим Ацевски беше одржан со засилен кадровски состав и на него беше утврден предлогот за Годишната програма за работа на ДЗР во 2020 година, беше дискутирано околу степенот на реализација на актуелната годишна програма за 2019 година и измените и дополнувањата по истата, а на дневен ред беше и предлог-буџетот на ДЗР

Главниот државен ревизор, м-р Максим Ацевски го одржа првиот состанок со сите вработени при што, како личност која доаѓа од редот на вработените, се заблагодари на досегашната соработка, подаде рака за понатамошна соработка на сите вработени и побара поддршка во стратегијата за трасирање на патот на ДЗР во наредните години, без да се занимаваме со историјата и со тоа што поминало и кое останува зад нас.

Со 81 глас „за“ пратениците во македонскиот парламент го избраа м-р Максим Ацевски за нов Главен државен ревизор што беше поздравено со аплауз во собраниската сала, а потоа Ацевски даде свечена заклетва пред пратениците.

Државниот завод за ревизија го обележа својот јубилеј - 20 години од неговото работење - – настан кој се одржа во два дела , првиот работен дел и вториот свечен прием и коктел. На јубилејот беа поканети и се одзваа многумина челници на ВРИ од регионот и  пошироко, гости од институциите од Република Северна Македонија со кои ДЗР соработува, поранешните Главни државни ревизори и заменици главни државни ревизори. На поканата се одзваа и сите поранешни вработени, сега веќе пензионери и сите актуелни вработени во ДЗР.